王子攝影。優惠篇

 

因為Post左有關王子攝影婚照check list、揀衫注意事項同揀相成品Trade List比大家參考之後，發現好多jm留言都係未join 0既時候唔知點傾優惠。
所以就想出一篇有關優惠0既去提提大家，希望幫到大家手。

一：香港客人專享的Facebook Fans優惠 - 送豪華水晶相架


佢地有張facebook coupon（"Facebook禮品憑證"）
依張coupon可以話係明益香港客人0既，只要你有like佢地page或同佢地facebook做friend。
咁就可以自行係佢地facebook download (係同任何會展優惠同介紹人優惠都冇抵觸）

但要注意係**後補無效，即係如果你唔記得講自己係Facebook fans就無左依個水晶相架ga la!

一般大家都係一係會展前轉帳join，一係就會展訂。
咁依張coupon有兩樣用法。

如果你係會展前轉帳，咁大家就要email入紙時，將facebook張coupon Copy and Paste係同一個email度send比佢地。
之後佢地send單比你地個陣，check 1 check，單上面途徑一欄有無寫上"FACEBOOK"。（如果無要即時提出啊！）

如果你係會展時join 0既，你就一開始已講明係"Facebook fans"。
最好就係Print出黎帶去比佢地，再睇住佢地係單上面途徑一欄寫上"Facebook"。

如果你當時冇print出黎，而門市個位職員又唔肯寫facebook，建議大家找經理Sandy，講解依家已用手機出示，而且一開始係講左Facebook Fans。
咁大家都照樣會有依個禮物。


（我會盡量每期更新最新coupon方便大家了！）

大家記住用Facebook coupon啊!

王子攝影facebook（可inbox查詢）:www.facebook.com/wzwed
王子攝影page: www.facebook.com/wzwed.prince


二：介紹人優惠-送7寸相簿一本（不重覆入冊）

其實所有內地攝影公司都一樣實行介紹人優惠，只要你講得出個介紹人no.同姓，咁就可以額加多一本7寸相簿（同Facebook水晶相架優惠冇抵觸的！可以一齊用）
大家隨便係yahoo search下或者係討論區都搵到介紹人號碼。

而我已經同左王子個邊講唔再要D介紹人相簿luuu！！反正我真係唔需要咁多相簿的。
所以如果大家有需要，可以隨時用我no.的，B0191郭小姐。

依個介紹人優惠唔同facebook，介紹人可以後補的。所以可以隨時使用。
而你再介紹比人影，都可以額外多得一本相簿，咁儲埋可以換大相簿的（可參考我的成品trade list-相簿一項）


三：匯率問題
由於王子攝影為內地公司，在內地銀行兌換只兌0.81。但如果我們自行去兌人民幣是高於此匯率的。
所以建議大家下訂時最好要帶備人民幣啊!!
當然，如果沒有帶人民幣。就先比港幣，但要求門市職員於單上寫明
“於拍攝當日帶人民幣xxxx（package價錢），屆時退回港幣xxxx（今日你比的一半訂金）”
例如：你的package（套餐價）為rmb4688，你是需要付一半訂金rmb2344，用0.81兌換率計算便是2344/0.81= HK$2893
便寫“於拍攝當日帶人民幣4688（package價錢），屆時退回港幣2893（今日你比的一半訂金）”
咁就唔會蝕匯率了！


四：老顧客優惠方案
如果你心儀的景點不止一個，大家可以唔駛一次過join貴plan的。
因為每次王子攝影都有推出老顧客優惠方案，用超抵價吸引新人再影多輯pre-wedding。
而大家只要join左一個plan（即使係最平的plan A都已經係老顧客），咁就可以用老顧客優惠即場去join依D優惠方案！
例如今次12年3月婚展就加RMB2200就可以影到婚紗城或者地中海了!!


五：額外R衫+造型或相底
其實王子攝影依家已經做到算公價，所以好多價目已經有明確定位，每位sales的價也是一致的。
但大家最關心的衫+造型或者多D相底，就可以用油畫或其他成品去換取。
有jm用一油畫加兩個相架去換多一套衫和造型啊！
而相底，王子攝影一向都全送相底，影多也是送給你的，所以我認為這個就沒有必要了！


六：Trade成品
如果你遇到唔0岩用的成品，可以係落單時即場提出的。（可參考此份trade list）
當然大家也可以在揀相日才trade的。因為王子也是按價值計算去讓大家自由trade的。


七：免費入場
免費入場電話：51991313
不論你join左或未join都可以係每次婚展打51991313找門市職員帶你入場，咁就可以慳入場券0既錢了!!

八：訂下拍攝日期
由於王子攝影為保持質素，一天仍然是只出兩對拍攝團隊。所以檔期也比較full。
大家如果下訂時，最好就順手預約檔期啊！

好！打住咁多先，我諗到就再打啦~
大家記住print "facebook coupon"再抄埋個介紹人no.去join,睇住佢係途徑一欄寫上"Facebook +介紹人XXXXX"咁就一定最優惠了!!
如果有任何問題，可以隨時問我啊!
祝大家影靚相!!!





相關閱讀：
一：王子攝影。Trade List
二：王子攝影。揀衫注意事項
三：王子攝影。婚照Check List
四：王子攝影。揀衫篇
五：王子攝影。拍攝篇
六：王子攝影。揀相篇
七：王子攝影 。排版篇
八：王子攝影。成品大合照