愛的宣言sample

搜集了7款愛的宣言sample，給大家參考一下。

但小妹婚禮當日係不設新郎讀愛的宣言環節。

除非係阿威自行準備(不過可能性極低)XDDDDDDDDDDDDDDDD

所以對於有關提供愛的宣言的vendor這方面資料是欠奉的，只知新娘們常提及的有「可可」，「i wedding」等等。。。

1.

給至愛的老婆XXX：

經濟大權在妳手，每日廿蚊我就夠

洗衫煮飯無叫抖，做牛做馬又做狗

老婆生日年年有，一定送車又送樓

外母竹戰場場贏，斟茶遞水好幫手

豬朋狗友約飲酒，老婆say no無得走

見到靚女掉頭走，如果唔係打到嘔

努力搵錢養成竇，朝六晚九唔駛抖

床上功夫識唔夠，記得請教D老友

今日決定接妳走，與妳永遠長廝守

兒孫滿堂福氣夠，共諧連理到白頭！

最聽話的老公XXX上

2.
今日我要娶老婆，因為我已經大個

最想有個安樂窩，仔仔女女一籮籮

唔駛一世食白果，從此生活樂趣多

老婆規矩雖然多，對我嚴厲要求苛

終日囉囉又唆唆，對我日哦又夜哦

但求老婆笑呵呵，一一遵守又如何

成份糧比晒老婆，速磅cash快夾妥

每月家用任你駛，剩番散銀得幾個

無得再飲酒唱歌，乖乖在家同妳磨

捶骨推拿同按摩，家務我做快又妥

洗衫煮飯唔懶惰，洗完碗切埋生果

用完掃把用地拖，順手洗埋個廁所

若然我有咩做錯，激到老婆把幾火

跪地斟茶猛耳朵，以後只企唔敢坐

日後唔敢口多多，求求老婆饒恕我\

將來我頭髮稀疏，大肚腩個背又駝

癡癡呆呆戇夾傻，如果妳唔嫌棄我

在座各位聽清楚，老婆老婆嫁俾我！

3.


我愛XXX情不變

一生為奴無怨言，買餸煮飯我做先

洗衫拖地我都掂，家用俾足無拖欠

名牌任買隨得妳，最緊要係妳歡喜

唔嫖唔賭唔食煙，篤波賭馬問妳先

總之我由今日起，生命裡面只有妳

以後妳話點就點，立下此誓永不變

 XXX、XXX、我愛妳！

 

4.
我XXX 娶靚老婆，洗衫煮飯唔厭多

買食送拖地兼按摩，做埋賓仔唔太過

全副身家歸你管，出糧過戶俾老婆

求求老婆幫幫我，快快趣趣生番個

咁樣唔算好太過，齊齊開心過世囉！

總之我保證我會比之前更加愛妳、鍚妳、令妳成為呢個世界上最幸福快樂既X師奶。

XXX 我愛妳！


5.

老婆沖涼時要量好水溫，捶骨擦背：不得有貪圖私慾之行為。

老婆煮飯時要讚不絕口，食多幾碗：不得有嫌三嫌四之行為。

老婆掃貨時要勇於付款，幫手拎野：不得有不情不願之行為。

老婆訓覺時要炎夏扇風，寒冬暖被：不得有打呼搶被之行為。

老婆訓話時要兩手貼緊，立正企好：不得有心不在焉之行為。

老婆不在時要朝思暮想，守身如玉：不得有偷雞摸狗之行為。

老婆敷臉時要提供方便，以身試法：不得有哈哈大笑之行為。

老婆審問時要發誓賭咒，以表忠誠：不得有漫不經心之行為。

老婆生氣時要扮豬扮狗，討你歡喜：不得有不理不睬之行為。

老婆打我時要任其蹂躪，謝主隆恩：不得有還手瞪眼之行為。




6.


老婆XXX：

如果妳是一隻弧形彈性牙刷，俾我做妳唯一的牙膏，黏住妳；

即使妳是污衣籃，又如何？只需俾機會我成為一件污衣，又可向妳投懷送抱；

如果妳是大衣櫃，我想做衣櫃裡的燈，在妳內心發熱發亮；

即使妳是一幅磨損日久的柚木地板，我多麼希望成為優質的水晶蠟，令妳時刻容光煥發；

我真的很愛妳，打從那一眼開始…我屬於妳！


7.

諗番起
初見妳 覺得妳 靚到痺

我決定
愛定妳 拍拖時 我追妳

追到我
索哂氣 追倒妳 我運氣

肉麻話
唔怕痺 我照講 來氹妳

應承妳
結婚後 朝朝早 我先起

煮早餐
等住妳 番工前 錫啖妳

妳番工
我送妳 妳收工 我接妳

要加班
我唔理 一收工 番屋企

唔可以
淨得妳 一個人 悶悶地

一定要
陪住妳 你話凍 攬實妳

妳話熱
開泠氣 有咩事 我撐妳

臨訓前
唔鍚妳 妳罰我 唔扲被

一出糧
俾哂妳 鍾意咩 買比妳

唔夠錢
我黎俾 有假期 實陪妳

妳睇戲
我買飛 你遲到 唔怪妳

但我遲
罰我企 做錯野 激嬲妳

由得妳
發脾氣 妳話咩 就哂妳

我去玩
預埋妳 娶到妳 我褔氣

俾心機
照顧妳 我對妳 唔做戲

講真話
唔呃妳 不單只 淨愛妳
 

重愛埋 妳屋企 總知一句 我愛妳！