不用血拼打仗的婚紗展---香港賽馬會婚宴展覽2012

一般婚展由兩大主辦機構--新婚會及雋傑國際，會選址係會展及九展。
每次都人頭湧湧，一方面要避開台灣婚照公司的進取型介紹，更要爭取時間行畢全場。
逛完婚展，總有一大推沒用的宣傳單張，有用的只有三數張。
可以話身心俱疲。


是日參加了一個休閒婚紗展，是由香港賽馬會舉辦的，係跑馬地馬場舉行。
入場費為$50（2位），當然，如果大家認識參展商可以免費領取入場券。

 

點解馬會舉辦的婚展比其他的門票更貴呢？（2人計算只是貴$10而已=p）
價值就在現場設在源源不絕的buffet了!這個辣味炸蝦，一流!!!激讚!!!
（小妹掛住食，只影了很少食物相片=P)
仲有紅酒、香檳、汽水、Fruit Punch供應。


 這個一口甜品bar，對我來說，確實值得借鏡！！
因為全部輕巧易食，中午的註冊儀式，甜品方面會以這個作藍本~~

是次婚展有很多不同環節，，除左婚展一向具備的婚紗show同一D講座之外，最令我驚喜的是有關婚禮特別效果的presentation!!!
Bubbles,Confetti Blower,Cannon......臨臨種種的效果都有示範，依一項係我同阿威係婚展花得最多時間去搜集資料的！
有d效果仲係第一次見呀~~大愛!!!（依家勁鍾情依D effect,我要搜集多D資料先再出blog介紹下^^）

最後的環節：就係同雪特蘭小馬合照啦^^
小馬都戴上煲呔同頭紗（但其實兩隻都係男仔黎ga =P）

依個展覽真係又食又拎，行得勁舒服!!!!
完全唔會有人chur你，唔會有人hard sell你！
（因為聽聞馬會對參展商有好嚴厲的規定，連婚紗行show都只係全程提過一次婚紗公司個名，連旁白都唔比，大家係可以靜靜地欣賞^^）

參展商唔多，但全部內容都好豐富!
誠意推介大家，有機會可以去下啊~