租衫記1--元朗篇

我：「你知唔知，每個女仔都會有一件THE ONE ga？」

阿威：「乜咁童話ga咩？」

我：「係呀！因為只會結一次婚，只著一次婚紗講I DO 啊！！」

阿威：「咁你記住要叫我陪你去呀！」

如是者，來到復活節假期的第三日。

我們便出發尋找嫁衣了！首站係元朗，因為今日我同阿威都勁想去食永年車仔麵 : )

加上尋日北上完，好累，今日唔想去太遠luuuu

1. Just Bridal：Shop 11 Wing Hing House, 104-126 Kau Yuk Road, Yuen Long, N.T

Tel:2443 9383 www.justbridal.com.hk

Plan:婚紗一套 + 晚裝三套 + 男禮兩套 $6888。（要$500試衫費）

Comment:第一間就睇依間啦！地方好乾淨，幾舒服。老闆話所有衫都係自己設計的，阿威幾鐘意依間，但佢話6月會upload晒D衫上website，所以到時先再睇過

2.鴻運繡莊：元朗教育路69號地下

Tel:24776688 www.lucky688.com

Plan:$4880 - 8件, $3180 - 5件

Comment:係網上D jm推介的，但個人認為D款都幾娘，同埋睇相簿，佢同一件放兩張，顯得D衫多，但其實D衫真係好少。OUT!

3.麗新婚紗晚裝公司：教育路59號紫荊樓壹期J鋪地下

Tel:24761877

Plan:$4698 - 5件，之後每加一件$400

Comment:都好多衫，但睇晒相簿都幾千篇一律，如果鐘意D泡泡款就有好多選擇，唔係的話就冇乜了。

4.雅麗: 教育路南天大廈2樓202室

Tel:24745902 www.YL.hk/ahlai

Plan:$4298 -10件 ,$2988- 6件（重工要加$288一件，拖尾要加$480-$880一件）

Comment:依間係感覺最好。因為款式真係好多，不過佢無相簿，要自己逐件拎出黎睇0既。佢包晒每件衫都有一set頭飾同首飾配襯，價錢優惠。仲要佢唔駛試衫費的，可以book時間上去試衫。

 

5.丸丸花嫁婚紗店：元朗嘉城廣場3樓3108-3109號鋪

Tel:93191596 / 65980001

Plan:$4680- 10件, $2880-5件

Comment:2011年3月1日先開張，所有衫都好新。亦因為新開張，所以D衫好少。

依家做緊平$500的優惠!!

 

好！睇左5間，等下次有時間再慢慢出街睇。

有屯門、元朗、尖沙咀、觀塘同荃灣有排行啊!!不過睇左今日一輪，都大概知道自己鐘D乜，想要D乜。

 

 

王子攝影。揀衫注意事項

其實，我一直都有整婚照check list、揀衫注意事項同揀相成品Trade List比大家作參考。

不過，近日有jm提醒，有影左王子0既老顧客聲稱自己有小貼士，叫人用佢做介紹人（但原來係Forward我D Check lists），所以我就決定係到Post一次。

＊我已經同左王子個邊講唔再要D介紹人相簿luuu！！反正我真係唔需要咁多相簿的。但如果大家要多本相簿，可以隨時用我no.的，B0191郭小姐。
同埋依家王子有Facebook page,大家只要係落訂個陣print out佢地facebook coupon，講明係佢地"facebook fans"就可以額外多送水晶相架一座（可以放3張相的）！
(一切以訂單上途徑一欄，寫上facebook為準），可以用介紹人優惠一拼使用。

所以你地不論傾左咩優惠，之後謹記叫職員係途徑一欄寫上"Facebook +介紹人"就會額外多一本7寸相簿同水晶相架一座。

希望小小Check List幫到大家啦*

好多人都話王子D衫唔多，其實佢地已經入左好多新衫，不過因為佢地真係唔比Hold衫，所以唔多唔少大家都會幾煩惱啊！

但以我上次拍攝揀衫的經驗，綜合了以下幾點，希望幫到大家啦！

揀衫注意事項：

1.      先上王子網站/Facebook看客相，大概選定想要怎樣的款色和顏色

   由於王子每次有新人著完件衫出去，就會拎去洗。所以你上去揀衫時，可能會show唔晒所有衫呀！所以，大家大概選定想要怎樣的款色和顏色，就可以同定sales講，因為我個陣想著一件晚裝，試衫當日無ga！仲要係我影前一日比人著左出去！係Sales第二朝一早幫我去洗衣店拎返黎的！佢地D sales好好ga！有任何野，可以同佢地商量下。



2.      主動爭取新郎提早試衫

   王子試衫日，只試新娘。佢地覺得拍攝日時，為免新郎悶親。所以，到時先試。但根據我的經驗，佢地新郎D褲size一定要試好耐試清楚。上次我爭取左早一日比我男朋友試定衫，點知就真係D褲腳唔夠長，同埋全部太大條。最後，因為有提早試衫，所以佢地可以安排係拍攝日拎晒0岩size的比我！所以，記住一定要主動爭取新郎提早試衫，可以用的藉口：我之前有朋友真係無件size 0岩呀！同埋我以前所以西裝都度身訂做ga！我驚到時唔0岩呀！



3. 先做好各個景點的資料搜集再揀衫襯景點

好多時大家都會遇到「嘩！依件衫著得我好靚呀！」但係，同你揀個景點D色唔襯。我影石門個陣，就係因為覺得個地方好多顏色，所以我要求著兩件白色婚紗（個陣時，sales不斷強調咁樣出黎個效果分別唔大）。但最後，我係真係好滿意的。其實，只要你造型上花點心思，就會出黎不同效果。就算白色婚紗都可以一件短、一件長，或者一件長拖尾、一件齊腳紗。所以，記住要襯景點啊！
P.S記住拍婚照是兩個人的事啊！所有揀衫記住要男女大家襯色啊！



4.選好衫便開始諗定想要乜造型

無疑，化妝師具有專業的知識和豐富的經驗。但個人認為每位新娘子也喜歡有與別不同的效果，我當時就自己搜羅頭飾及頸鍊，花費只是數十元。
有時，化妝師的建議係好，但未必係你杯茶。我個陣就每一個造型都自己諗定，之後要求佢幫我整的！記住，落點功夫啊！

祝你地影輯靚相！！



相關閱讀：
一：王子攝影。優惠篇
二：王子攝影。Trade List
三：王子攝影。婚照Check List
四：王子攝影。揀衫篇
五：王子攝影。拍攝篇
六：王子攝影。揀相篇
七：王子攝影 。排版篇
八：王子攝影。成品大合照

王子攝影。婚照Check List

其實，我一直都有整婚照check list、揀衫注意事項同揀相成品Trade List比大家作參考。

不過，近日有jm提醒，有影左王子0既老顧客聲稱自己有小貼士，叫人用佢做介紹人（但原來係Forward我D Check lists），所以我就決定係到Post一次。

＊我已經同左王子個邊講唔再要D介紹人相簿luuu！！反正我真係唔需要咁多相簿的。但如果大家要多本相簿，可以隨時用我no.的，B0191郭小姐。
同埋依家王子有Facebook page,大家只要係落訂個陣print out佢地facebook張coupon，講明係佢地"facebook fans"就可以額外多送水晶相架一座（可以放3張相的）！
(一切以訂單上途徑一欄，寫上facebook為準），可以用介紹人優惠一拼使用。

所以你地不論傾左咩優惠，之後謹記叫職員係途徑一欄寫上"Facebook +介紹人"就會額外多一本7寸相簿同水晶相架一座。

希望小小Check List幫到大家啦*

強烈建議攜帶：
1. 相機、記憶卡、電池、後備電池
因為王子係四對一服務的，所以你可以帶定相機。比定化妝助手，叫佢幫你影下花絮咁。

2. 蚊怕水、防曬乳液
出外景好惹蚊ga!! 最好帶定！

3. 隱形眼鏡 & 眼藥水及有框眼鏡
有近視者，記得要帶！因為影日景係一定要反光的。如果想帶眼鏡就要帶有框無鏡片的眼鏡。

**佢地依家有眼鏡提供，可以先上去睇下0岩唔0岩先啊!!

4.（女）Girdle、Nu-bra、打底褲、防走光貼
（男）深色薄襪、白襪、黑鞋(白鞋他會提供的)︰
可按所選之婚紗、晚裝、禮服決定是否需要。P.S. 打底褲一定要白色。

5. 外套

6. 小道具：（隨你喜好）
戒指 、花球、結婚公仔、speech bubble等等…
佢地本身已有花球，如要鮮花就早一日叫王子幫你訂也可。
Speech bubble需按拍攝地點選定顏色




相關閱讀：
一：王子攝影。優惠篇
二：王子攝影。Trade List
三：王子攝影。揀衫注意事項
四：王子攝影。揀衫篇
五：王子攝影。拍攝篇
六：王子攝影。揀相篇
七：王子攝影 。排版篇
八：王子攝影。成品大合照

將婚戒取到手luuuuuuu

今日我下午工作完畢後就和阿威在旺角會合。

之後先去掃街先！

其實自從開始苦惱D酒席呀、攝錄呀、化妝等等一切事項開始，我塊面就一路爛。不過，我太為食了！從來都唔介口，今日依舊係旺角掃街^^

因為小妹我係從來都唔鐘意食正餐的，每次都係食熱氣、煎炸食物。阿威已經明確表示，結婚後，我要介下口啦！因為對身體唔健康啊！

係太子掃到家樂坊，哈哈！好滿足。

之後就去拎婚介了！由係婚展落訂，因為係訂造的，所以依個幾月不斷確認款式、再執下D細微位、之後做完對介指、再確認刻字的字款同刻字。終於有得拎啦!!!

我好大頭蝦，唔記得拎單去。好彩職員小姐都好好！要我地留低id no.下次後補單就可以了!!

試下對婚介，真的好喜歡好喜歡！！

即使已經訂左依對戒指，我依兩個月仍然不斷去看婚戒。但我和阿威最愛還是它們呢！！我個隻有18粒碎鑽，好意頭*因為咁又愛隻介指多D^^

雖然，相對於婚期，仲有20個月，但我倆真係好興奮*不斷互相幫大家戴 : ]

真係好感恩呀！我同阿威每一個決定都係一致0既...就連結婚事項入面D選擇都係一致。無爭執、無分歧!!!!!!!Yeah!!!!!!!