王子攝影。揀相篇

哎呀！頭先見到自己上次揀衫篇0既網誌有錯字，想改番0岩個陣。點知按錯制Delete左=.=唉…重新打過！

12月27日終於上左去揀相啦！等到我頸都長埋。本來影完十日之後就可以揀相ga la,但因為要同阿威夾假，所以等左咁耐先上去。

7點幾起身，9點幾到左門市，買埋兩個麥當勞餐就上到去啦！一去到，有一對當日影相0既新人係到等影室內景。琪琪已經即刻比左支強心針我地!!好期待。

我地先睇第一次佢執好0既相先，一路睇一路係咁大笑。一來係真係好鐘意輯相，二來就係有個POSE係阿威抱住我影0既，但我地完全都無為意過要小心條裙會貢起，所以最終，個個POSE 0既幾張相都好搞笑，wakaka~!!!

之後Lisa就拎左張成品List比我地，我同阿威就按原先商量左0既安排同佢trade成品（其實，每次依d都係我負責出動去傾！），最終Trade到以下0既野，好滿意！

36寸板畫

20寸油畫

12寸水晶臺架
10寸水晶臺架
10寸OS臺架
7寸OS臺架

2本18寸PVC+ Design相簿 （分左一本日景、一本夜景）

2本10寸相簿 （一本用左黎入上面大相簿0既漏網之魚、另一本就係我地最鐘意0既開心相，全部都唔係著重影景0既，主面係捕捉我地開心表情0既，阿玲幫我地對相時，一睇完本相簿D相都話真係比人感覺好開心，好幸福！）
四本相簿加埋封面共入左104張相！

36寸簽名布（依個決定唔要，改左個做相架，因為我已決定要整簽名相簿）
360度旋轉水晶
排版碟

我地足足用左五個幾鐘去決定所有成品嘅相，睇相睇到好倦！我同阿威當堂驚下次去台灣，由400張相入面揀46張相點揀好！因為依家我地係有晒全部相soft copy只係揀入相簿都諗爆頭。到時點算好呢！！

最後，就約埋排版師見面時間。因為佢先做一次排版，之後當住排版師會面跟你要求去改。

當日，王子門市真係太多人啦，有人試衫、兩對人揀相、有人睇排板、又有人定Join Plan！不過，對我地黎講係好0既，因為佢地太忙，唔記得左朝早Chur我地件事，只係臨走前係Lift口Lisa醒起，同我地拉鋸左一陣，之後阿威堅決下，我地先快速走入Lift^^哈哈！

P.S返到黎，睇下人地0既Blog就覺得自己好蠢，因為我無Chur佢地比幾張相我拎走，又唔識用相機偷影D相。唯有等1月18號上去睇排板個陣，先可以拎晒D底片。
依家好想快D睇相呀!!!!!



相關閱讀：
一：王子攝影。優惠篇
二：王子攝影。Trade List
三：王子攝影。揀衫注意事項
四：王子攝影。婚照Check List
五：王子攝影。揀衫篇
六：王子攝影。拍攝篇
七：王子攝影 。排版篇
八：王子攝影。成品大合照

王子攝影。拍攝篇

太懶啦！影完相過左20日，我終於的起心干打當日事宜。

12月3日影相日，因為我地影石門，由深圳開車去都要三個鐘幾，所以我地一早6點半就起身，7點半就到王子門市。

當日化妝師係琪琪、助手小雪

攝影師阿陽、仲有一個攝影助手

化妝時，琪琪會好尊重你意見，問定你想要乜野造型（雖然佢本身已經包好多頭飾同首飾提供，但因為阿威買左兩條珍珠鍊同頭飾比我，所以我同佢講，我想點。之後佢就同我分析定邊D飾物襯邊套衫等等……）。

因為我要求唔好化得好濃，又抗拒好多層0既假眼睫毛，所以最後佢都好輕手，化得我好自然！而有一個小小插曲就令我同阿威全程影相都好開心，因為琪琪同小雪一見到阿威就話阿威好似一個歌星，搞到我全程都係到唱歌，wakaka!!!

拍攝個陣，全程我地好似郊遊咁，好開心。上車前，琪琪已經同我地去買定早餐，一上車就傾計同訓覺，我就算化好妝換好衫都訓得好臨。不過阿威就好慘啦！因為我地兩個都病，佢胃痛，全程都訓唔著。

去到石門已經十二點幾啦！真係好多人，我估都有三十幾對人係同一個景點。每到一個景點影相，化妝師琪琪會先幫我補妝，執靚D。助手小雪就幫我地影下花恕，而攝影師阿陽同助手就會去搵靈感，同不斷試下D角度光線等等…

 我地先影紅葉區，好靚！有個景點係要爬落D石度，阿陽說好危險，但我見到人地影，我當時剛換左鞋，著住三寸高跟鞋都照去，全程四個人加埋阿威都擔心我，驚我跌落水。最後，有驚無險！

因為真係好多人，其實全程都係大家爭位影咁。不過阿陽好搞笑，不斷叫我地行過D，行過D咁就霸到D靚位，又唔會浪費時間。最重要係佢好為我地著想，有時有D景點見到人排緊隊，唔好意思影得耐，我話一陣返黎再影。佢都話唔好！唔好讓人！！化妝師琪琪一路見住我地，係咁笑！話阿陽好奸！但問心，我覺得佢係為客著想。眼見有D攝影師係到不斷吸煙、等D新人排完隊先再去影相，好差呀！全程阿陽都好落力，又帶梯去爬高，又訓地咁，好認真。佢又會不斷講：『笑多D！笑靚D！』又引我地笑黎捕捉我地自然表情。因為阿威成日眨眼，我當日聽得最多係：「靚仔，唔好眨眼！」不過，最好笑係每個景點都要我地錫錫，阿威係咁話：「又錫！好多人wor!!」哈哈…

影左竹林、溪河、小橋流水等等…每影完一個景點都要再上車坐幾個字先到另一個景點。我同阿威講好似仲係中大返學咁，又係成個山，上完一堂轉堂都要搭校巴，搭幾個字去另一堂。哈哈…

不過一到五點幾，已經日落啦！入夜之後就真係好凍！阿威落左套西裝都話好凍，而我就淨係著左婚紗更加凍！不斷係到震！之後海豚幫我地整左0既小道具就出場啦！因為個度叫七彩天池！好多好靚0既花，同埋有風車，有個狹谷咁。最好笑係化妝師幫我飄頭紗，但我0既眼神就次次都望住個頭紗飄，攝影師阿陽不斷叫我唔好再望個頭紗，哈哈！之後化妝師幫我地吹波波整下效果，但D波就不斷係我地塊面度爆，好凍！！

影到六點幾，終於影完luuuuu!!!!之後我地一行八人就去左食農家菜，仲有走地雞！好好味！返去時候，何司機行錯路，我地仲比公安查身份證，但我地全部都冇帶證件，好彩佢見到我set晒頭，又有晒飛就放我地走。我地返到王子門市都已經11點半luuu

之後何司機再車埋我地去皇崗過關返香港！

咁就完成左第一次0既婚紗攝影之旅！好開心！整體來講，我比王子當日0既表現五粒星。影完十日就可以揀相ga la,但我同阿威要夾假，加上27日又返去同朋友食buffet，所以我地就改左27日先揀相^^好期待D相呀！！

依張就係化妝助手幫我地偷影0既相啦!

我個package包180張相，但佢起碼影超過230張，不過佢都係全部比番晒我地0既。



相關閱讀：
一：王子攝影。優惠篇
二：王子攝影。Trade List
三：王子攝影。揀衫注意事項
四：王子攝影。婚照Check List
五：王子攝影。揀衫篇
六：王子攝影。揀相篇
七：王子攝影 。排版篇
八：王子攝影。成品大合照

王子攝影。揀衫篇

11月28號，我同阿威就上左去試衫，但當日試左幾套Sales推介0既婚紗同晚裝，都係唔太合心水，所以心大心細揀唔到。

Sales又同我講星期一會返D新衫，所以係影相前一日，12月2號，我地又上去試多次。

今次我就上去前係王子website睇中左D自己鐘意婚紗款，就save 低D相比佢睇，問下佢有冇0既。

本來我打定輸數，因為我睇晒佢post D客0既相，一個都冇著過我鐘意0既款色，所以我都預左冇個件，只係想搵類似0既。但係真係勁幸運呀！佢現成有個件婚紗，仲要冇乜人著過！！原來之前好多人著上身，覺得件衫效果唔好，所以佢就爽性冇推介過比我，但我就係勁古怪，鐘意依D款，所以一試就即決定左。期間，佢強烈建議我著兩件晚裝同埋唔好晚裝同婚紗都同樣係紗款，但我最後都係勁固執咁揀左自己鐘意0既款色，D相就係Post係下個私有化0既網誌。

但係阿威就竟然全部D褲都冇一條0岩佢，全部唔係褲腳短就腰位太闊。仲要我地心儀D西裝褸款全部都係好大件。最慘係我地第二日就要影相，返唔到屋企拎褲。而我地第一次試衫係星期日，所以佢唔比男仔試，淨係試女仔先，所以搞到我地失左預算，唔係就自己帶條西褲過去。所以，大家就小心男仔D size呀！因為婚紗同晚裝都可以加扣針，但男仔西裝褸同褲唔0岩size就好煩ga la!

影相個part就待續啦.......


相關閱讀：
一：王子攝影。優惠篇
二：王子攝影。Trade List
三：王子攝影。揀衫注意事項
四：王子攝影。婚照Check List
五：王子攝影。拍攝篇
六：王子攝影。揀相篇
七：王子攝影 。排版篇
八：王子攝影。成品大合照

好緊張!!!!!!!!!!

每逢星期日夜晚10點45分，我要準備返屋企時，我都會講一句：

『阿威，如果今日係星期六就好啦！』

點知阿威尋日話，下個星期日我地要去王子試衫。

我即刻變得好緊張，好似話咁快就打到黎咁。

今個星期我病足六日，食左好多藥，同時起左好多粒粒。

返到屋企心情真係差到極點，阿威放大假，完全係充足睡眠。但我就D皮膚差到貼地之餘，仲要肥左勁多，食藥食到成身又敏感……

之前，一直覺得有第二輯婚紗相，依輯衰左都唔怕。所以放鬆晒心情，但後來加左好多錢upgrade個package,如果個日影得勁樣衰，我應該會崩潰!!!!!!!!

好緊張好緊張!!!!!好擔心!!!

戴夢夢 愛‧承諾

揀選婚戒的矛盾

相信大家對於婚戒都會有唔同的揀選準則，有的喜歡以鑽石份量為主、有的著重男女裝的協調和獨特的款色、有的則以平實耐用為首要條件，畢竟婚介不同求婚戒子，是長帶的，要求質量耐用。

這星期，每逢放工都和顏生走遍多間珠寶店，試帶不同的對戒。

顏生自求婚戒子開始已經成為了半個專家似的，鑽石份量、色澤、對秤、切割等等……也很熟悉。所以，我的職責只在挑選喜歡的款式（鑽石托=.=），其餘有關石方面的問題全權交由顏生負責。

不過揀選對戒，的確令人煩惱不已。假若男女裝協調非常，往往款式流於簡單乏味；假若女裝豔麗奪目，男裝總是娘娘腔似的；假若兩顆也設計特別，適合我倆，但拼起來看，卻欠缺對介的一致性。

所以，試了很多公司的對戒。周生X、周大X的鑽石質量有保證，但款式少得可憐。多是多一兩條坑，就叫新款。MABELXX的款式，我就喜歡得很，但若以鑽石的質量來衡量，卻是不值。顏生說早前購買求婚戒子時，也心儀MABELXX的款式。但最後，也以鑽石質量為先。

好苦惱!!!!!!!!!

不過日子尚遠，可以慢慢挑選^^

第一篇網誌 - 為第一輯婚照下了訂luuu

由阿威同我講結婚到依家，我每一日都係充滿笑容，同埋每一日係公司有時間或者返到屋企一得閒就係上網做Research。我諗我每日都用幾個鐘上ESDLIFE^^

經過左十日0既Research，我終於定左我同阿威漫長婚禮大作戰0既第一步。

就係影我地第一輯婚紗相啦^^揀選依間公司的原因，一來好多JM都對佢有好好0既口碑，二來係價錢好抵!!我份人太貪心啦!!想影多兩輯婚紗相，又有好多景想影。所以，比較過咁多間公司之後，覺得依間完全符合我的要求呀^^同阿威為左揀拍攝景點都爭扎左兩日，究竟要山水同海景好丫，巨型摩天輪同旋轉木馬好丫，定係花田教堂馬車好呢？

最後，我睇晒咁多間上述景點0既婚沙相之後，我地揀左花田、教堂、馬車!!我心急0既性格就即係去左落訂，多得ESDLIFE JM做介紹人，仲多左好多價惠添!!

今日仲BOOK埋影相日期，上年0既同一日，我地就去左海洋公園玩。今年，我地就要去影我地第一輯婚紗相啦!!!

依家我係到睇緊當日拍攝0既婚紗^^不過，拍攝前一日，我地仲會上去試婚紗ga!依家有幾件都好鐘意呀!唔知點揀好^^我想要一件拖尾0既長婚紗、又想要一件短婚紗，之後先再揀晚裝啦!!